ميدو يهاجم جماهير الأهلي وينتقد كولر

شن أحمد حسام ميدو، نجم الزمالك ومنتخب مصر السابق، هجوما على جماهير الأهلي والمدرب السويسري مارسيل كولر، بعد سقوط المارد الأحمر أمام الزمالك، بهدفين مقابل هدف، في المواجهة التي أقيمت بينهما مساء الاثنين، في قمة منافسات الدوري المصري الممتاز لكرة القدم. وكتب ميدو عبر حسابه على منصة "إكس": "‏مبروك للزمالك الفوز المستحق والمهم.. كل لاعيبة الزمالك رجاله.. بحييهم كلهم لعبوا بقلب وحاربوا علشان خاطر جمهورهم وعلشان خاطر الفانلة اللي لابسينها.. إن شاء الله مكسب امبارح يكون نقطة تحول للفريق". وأضاف "‏مش عارف ليه دايما ‎الأهلاوية بيدوروا على حاجات بره الكورة تبرر أي خسارة يا إما الحكم يا إما الجمهور يا إما الملعب يا إما الهوا يا ضغط الماتشات أو الإصابات، المره دي بقى جديدة السبب الرئيسي للخسارة هم حاملي الكرات". وواصل ميدو قائلا "الحقيقة إن ‎الأهلي عنده مدرب مغرور، مكسب ماتش نهائي الكأس رغم غلطات المدرب القاتلة وسوء مستوى فريقه خليته يفتكر أنه ممكن يكسب ‎الزمالك بأي حد! ومفيش حد حواليه ينصحه إن ماتش ‎الديربي كبير مهما كان المنافس بعيد وإن نتيجته ليها توابع في المدرج وفي المكتب". واختتم "هارد لك لأصحابي الأهلاوية بنفكركم الزمالك هيفضل كبير مهما حاولتم تقللوا منه.. عاش الزمالك اكبر قلعة رياضية في ‎مصر".